October 8, 2006

• 赤日vs  はと

  6:2

  打得好差
  樣衰衰打左個爛hit﹐雖然上左壘﹐偷左兩個壘﹐不過都真係超爆肉酸…. hai….. 算啦﹐都贏左…

  不過好戲在後頭

   

  我…

  ….

  …或者要上庭。

   

  件事係咁既:

  平時返到屋企駛入停車場之前﹐通常我就會轉右之後向左倒車入。

   

  呢排倒車出左咁多事﹐輪都輪到我啦 (Choi!!)

   

  打完波返到屋企car park﹐我轉左之後﹐倒車之前﹐見到有架小型貨Van o係後面﹐我見佢唔郁﹐咁我做左個”想點?” 既手勢﹐佢唔郁﹐咁我繼續倒lor… 因為屋企停車場入口好細﹐所以就好慢咁望住倒後鏡入。 點知….

  CRASH!

  今次”瀨”野………………

   

  我停埋一邊﹐見架van 仔都停左o係一邊。 三個貨van 麻甩佬出左黎係咁嗌….

  “搞錯呀死o靚妹﹐yap 人過﹐自己又行!! 不負責任…..” 成條街都聽到。

  oo…. 緊張時刻到啦…

   3 x 貨van 麻甩佬 vs  1 x Loooch!!!!!

  “我無yap你地wor﹐只不過我見你地唔打算行﹐我咪倒車lor”

  佢地就話好不滿我撞凹佢地架van﹐大佬呀﹐學過Physics 既都知Newton’s Third Law: Action and Reaction﹐佢架車凹﹐我架車都會o者﹐無得話係邊個撞凹邊個架wor…..

  “而家我地架車凹咁多﹐梗係你撞我地﹐你錯啦!!!!!!!”

  “邊個錯﹐唔係睇邊個架車凹D” (更何況你地D死van 仔D物料係cheap D 易凹D)

  “不過你而家到係要賠錢wor!!!!”

  “我家下身上無錢﹐我仲要同屋企人傾過先”

  “咁你要同屋企人傾你既事啦!!!”

  “好﹐我地留底聯絡電話﹐我趕時間要走” (要同嬤嬤食飯﹐全家得我未到﹐唔想佢等咁耐…)

  “你趕時間你既事啦!!!! 咁而家你撞爛左我架車就要賠啦!!!!! 你唔賠我告你呀!!!!”

  真煩。告爆我丫笨。

  我打俾老爸﹐老爸叫我﹐無人受傷就遲D電聯﹐有咩事check 左車先講。

  佢地就話ok﹐我就返左入停車場。

   

  正當我泊好車﹐有一個佬就左入黎﹐拎住張爛草稿紙﹐上面寫住 “我現在撞爛了bumper,etc﹐願意賠償, blah blah (forgot the rest)” 叫我寫底身份證號碼+簽名

  痴線。

  “我唔可以俾我個身份證號碼你”

  “咁一陣你又反口話唔賠啦!! 而家你都反左口啦!!”

  “我都俾左我個電話你啦!!!!!”

  ” 遲D分分鐘唔見左人……..”

  又要再打俾老爹…

  “有咩事﹐自己同我老豆講”

  從佢地既對話﹐我諗老爹話有咩事可以賠

  收左線之後佢又叫我簽張爛紙。當然唔肯啦我。

  又又再打俾老爹﹐佢話當然唔好亂簽名﹐叫條友遲D先打俾我傾數。

  條友就一邊走一邊問候我全家。

   

  以為無事啦﹐盡備上樓梯返上屋企。點知佢再入黎。

  “先生﹐請問你仲有咩問題呢?” (唔係Type A 人都唔耐煩la….)

  “喂﹐你唔肯而家賠錢又唔簽名咁我報警架啦”

  “仲好﹐可以claim 保險”

  “報警就要落口供ga la!!!!!!”

  “我知..” (你當我傻咩….)

  屋企樓下個看更走左出黎﹐叫條友唔好咁嘈。

  條友怒吼: “唔關你事!!!!!!!!”

  我就搭訕: “梗係關佢事啦﹐呢度佢地頭黎架…” (不過條友聽唔到)

  “你打定我打呀?”

  又要問老爹…….. 佢話無人受傷既情況就廿四小時內任何一方報就得﹐叫我講今晚食完飯會打。

  條友又開始發脾四﹐話我就一定唔會打﹐我就話佢想而家報咪報lor…. 無分別wor….

   

  終於可以返屋企… BUT I MADE THE BIGGEST MISTAKE EVER!!!

  我開左燈!!!

  (幢樓只得六伙﹐一睇就知我住邊)

  shit﹐太急添…. 即刻熄燈摸黑打俾老爹﹐佢就叫我等佢地走左我先好走…. 凡事小心D。

   

  過左成三個字﹐佢地都未走。後來見到有警車駕到。條友就打俾我叫我落去。我叫佢叫差人聽。

   

  警察叔叔都好有禮貌﹐同我講落去只係想睇睇我車牌+資料﹐我打一打俾老爹話佢知就落樓﹐原來媽媽都返緊屋企just in case。

  我一出現﹐就有個警察叔叔話 “wa…. 打棒球架wor….” (我仍然著住赤日女子棒球隊既整齊製服)

  -_-

  “好啦妹妹﹐介唔介意俾你車牌身份證我睇睇呢”

  好耐未試過有人咁叫我………………………

  “哦…. 都有車牌既… 佢地仲講到你無牌駕駛咁”

  (ORR!! 完來班友一心就係想用報警黎兇我因為以為我無牌!!!)

  “其實呢D交通意外就無乜大礙既﹐十日內會有人打俾你約時間落口供﹐除非你地想私底下傾惦佢既﹐否則如果兩邊都唔認罪就或者要上庭啦﹐如果判左’不小心駕駛’ 就有可能會罰錢同扣分….”

  “哦。”

  之後媽媽返到。同警察傾完一論﹐就叫我影一影架Van 仔既損毀程度。

  我影左幾張﹐警察叫我俾佢睇。

  “呢D相唔係咁影架…. 過黎呢邊….. 45 度角﹐要影到車牌﹐案發現場….. “

   再影過…

  “係啦﹐呢張就幾好啦…”

  突然間有個小姐出現

  “呀sir﹐頭先出事我o係現場﹐頭先兩邊都心急﹐可以做證人落口供….”

  之後就同我講

  “唔洗驚﹐幫你。你以後真係要小心D….”

  即係點….? 咁講我先驚…..

   

  抄底晒資料之後﹐我就返得屋企啦。上左樓之後﹐聽到班人未走﹐仲聽到佢地同警察講..
  

  “留底左個電話就走X左去…. 想逃走….”

  ding….. 留左電話就唔係逃走啦….. 謝霆峰o個D就話o者…. 三條佬一齊兇我之後又同警察亂講野….又話我未夠秤無牌駕駛逃走…………..

  咪以為女仔好蝦呀!!!

   

  之後點…. 遲D先講啦﹐唔想悶死讀者們…

  • 12:02 pm
  • 12 Comments